پنجابی وچ جیہڑے ن دے اُتے ط (ݨ)ہووے اونہوں انڑ نون کہندے نیں اس دی اواز انڑ جیہی ہوندی اے۔ اسدی شکل نون دی طرحان ہوندی تے نون دے نقطے اُتے نکی جیہی ط ہوندی اے۔
مثالاں:
آون ، جاون ، منگن ، لنگھن وچ اخیرلی ن دی اواز انڑ جیہی اے۔ اس لئی انہاں شبداں وچ اخیرلی ن نوں انڑ ن (ݨ) لکھاں گے ، جویں:
آوݨ ، جاوݨ ، منگݨ ، لنگھݨ
آون = آون٘ڑ = آوݨ
جاون = جاون٘ڑ = جاوݨ
ایہہ ضروری نہیں پئی انڑ ن شبد دے اخیر وچ ای آوے ، ایہہ وچکار وی کسے تھاں تے آ سکدی اے جویں:
مُہانے (ملاح) = مُہانڑے = مُہاݨے
ہانی = ہانڑی = ہاݨی
مائیکرو سافٹ ورڈ وچ ݨ لکھݨا :
انڑ نون (ݨ) دی یونیکوڈ ویلیو 768 اے
مائیکرو سافٹ ورڈ وچ اس اکھر دی یونیکوڈ ویلیو 768 لکھو تے آلٹ + ایکس دباو تے انڑ نون لکھی جاوے گی۔
No comments:
Post a Comment