نعت
(پیر فضل گجراتی)
محمد ﷺ دی جہان اندر نہ جے جلوہ گری ہوندی
ہنیرا ہر طرف رہندا نہ کدھرے روشنی ہوندی
شمع جے کر ہدایت دی نہ مکّے وچ بَلی ہوندی
ڈرونی موت نالوں بندیاں دی زندگی ہوندی
محمد ﷺ دا نہ پہلاں نور جے کر سرجیا ہوندا
نہ چن دی چاننی نہ تاریاں دی دل کشی ہوندی
محمد ﷺ جے حمایت بیکساں دی وچ کھلوندے نہ
کدے نہ دُور درداں ماریاں دی بیکسی ہوندی
نمونہ دُنیا نے بݨ جاݨا سی اوڑک حہنم دا
میسر آپ دی دُنیا نوں جے نہ رہبری ہوندی
محمد مصطفی ﷺ جے نہ شفیع المذنبین ہوندے
گہنگاراں دی محشر وچ رہائی نہ کدی ہوندی
جے جگ اُتے اُجالا والضّحیٰ دا فضل ہوندا نہ
جہالت دُور کِنج ہوندی ، کوِیں رد تیرگی ہوندی
کوئی تبصرے نہیں:
ایک تبصرہ شائع کریں