واہ سانگریاں دی بھوئیں
گھتی ہِک تے کڈھیاں دوئیں
سانگرہ پنڈ اے تحصیل لالیاں دے وِچ چنہاں توں سرگودھے آلے پاسے ، دَسدے اِنج ہن پئی اوتھو بندے ویندے پئے آہن دریا چو اوہناں مچھی پھد لئی۔ پرانہہ نوں جاندے پئے آہن۔ جس ویلے سانگرے کول گئے ناں اوہناں نوں بُھک لگی۔ اوہناں آکھیا مچھی بھن کے کھا لیئے کِدے نال چائی ودیئے۔ اوہناں ہک بوٹرا جیہا آہی اوہدے وچ مچھی چا سٹی۔ اوس نوں اوہناں اگ چا لائی۔ اوس بوٹے وچ کُھڈ آہ ، کُھڈ دے وچ گوہ آہ۔ بوٹے نوں اگ لگی ، کُھڈ دے وچ دھوں پیا یا سیک پیا۔ گوہ جیہڑی باہر آگئی۔ اوہناں ویکھی تے اوہ دو بُھنیاں پئیاں۔ گوہ وی بھنی پئی تے مچھی وی بھنی پئی۔ اوتھوں اکھاݨ بݨ گیا:
واہ سانگریاں دی بھوئیں
گھتی ہِک تے کڈھیاں دوئیں
(ڈاکٹر فیصل جپا)
گوہ: چھپکلی/ کِرلی دی ہِک قِسم bengal monitor lizard / varanus bengalensis
